ჩვენ, საქართველოს მოქალაქეებს, ომი მართლაც არ გვინდა - ეს თქვენ, ხელისუფლებამ, რეალურად ომი თითქმის უკვე მოიწიეთ:

- ევროპარლამენტის რეზოლუციის, ხუთი ათეული ევროპარლამენტარის წერილი - მომართვის იგნორირება, ქილიკი და ლანძღვა;

- უკრაინის პრეზიდენტის თხოვნის უგულებელყოფა;

- უკრაინის რადას გადაწყვეტილების არგაგონება;

- პოლონეთის პრეზიდენტის, პრემიერ -მინისტრის, პოლონეთის სეიმის მომართვების აბუჩად აგდება;

- "ბალტიის ალიანსის" ქვეყნების ხელისუფლებების თხოვნების არშეგონება;

- ევროკავშირის 27 ქვეყნის პრემიერების ერთობლივი კულუარული დიპლომატიის ვერშეგნება;

- საქართველოში აშშ ელჩის არაერთი განცხადების, მომართვისადმი სრული უყურადღებობა;

- კიდევ უამრავი უცხოელი ცალკეული პოლიტიკოსის, საზოგადო მოღვაწის, ინტელექტუალის, არასამთავრობო ორგანიზაციის მოწოდების მთლიანი არშემჩნევა...

მეტი რუსეთის ხელისუფლებას, მის "ცარ-პრეზიდენტს" არც არაფერი გაუკეთებია - უბრალოდ, "კუნთები" მძიმედ ათამაშა და რაც მიიღო, მთელი მსოფლიო, გარდა რამოდენიმე ლუზერი სახელმწიფოსი, რუსეთის "სასარგებლო იდიოტების" და პირდაპირი აგენტურისა დღეს თვალსაჩინოდ ხედავს - რუსეთი ფიზიკური დანგრევის პირასაა!

რეზიუმე:

დემოკრატიული მსოფლიოს წინააღმდეგ გალაშქრება ჯერ ვის შერჩენია, ჩვენ რა გამონაკლისი ვიქნებით?

საქართველოში დღეს ჰუმანური და ადამიანური სოლიდარობის ასპექტებზე ლაპარაკიც კი ზედმეტია - უბრალოდ, ადამიანის, საქართველოს თანამედროვე სახელმწიფოს შემქმნელი პრეზიდენტის "გაცხადებულ და საილუსტრაციო" მკვლელობის უფლებას თანამედროვე მსოფლიო არ მოგცემთ, არც გაპატიებთ!