რუსეთიდან გადმორიცხული ფულით საქართველოს ეკონომიკის "ადუღების" ქომაგებს რომ ვკითხო:

- ამ ლოგიკით საქართველო ნაწილ - ნაწილ რომ გავყიდოთ, უფრო არ მოვიგებთ?

რა, მიწას ზურგზე მოიკიდებენ და სხვაგან გადაიტანენ თუ რა - მაინც ხომ "ერთმორწმუნენი" არიან (სინამდვილეში ოკუპანტები)!

- ამ ტიპის "პატრიოტებზე" რუსებს აზრი ადრე, მე-19 საუკუნეში, ჰქონდათ ჩამოყალიბებული - თუ წაიკითხავთ გრაფ ვორონცოვ- დაშკოვის ნააზრევს "როგორ დავიპყრათ უომრად კავკასია/საქართველო"!

- ზუსტად ამ ტიპის "პატრიოტებზე" ბრაზობდა ერის მამად მოვლენილი დიდი ილია - "ჩვენი თავი ჩვენვე გვეყუდნეს" ზუსტად ესაა!

ბოლოს - რუსების მიმართ არც ისე საბრძოლვად განწყობილმა თურქეთმა, ყაზახეთმა და ყირგიზეთმა მკვეთრად გაამკაცრეს რუსი "ტურისტების" საკუთარ ქვეყანაში უვიზოდ ყოფნის პერიოდი და თითქმის უარი თქვეს ამ კატეგორიის ადამიანებზე საკუთარ ქვეყანაში "დროებითი ბინადრობის ნებართვების" გაცემაზე - არადა რუსეთს არც ერთი მათგანის 20% არა აქვს ოკუპირებული, არამედ ამათგან ორი ქვეყანა ოფიციალურად მათი სამხედრო - სტრატეგიული მოკავშირეა, ხოლო თურქეთი მისი უდიდესი სავაჭრო პარტნიორია ასეულ მილიარდიანი დოლარის მოცულობით!

არ არსებობს მსოფლიოში ანალოგი, როცა ქვეყანა ოკუპანტი ქვეყნის(!) მოქალაქეს საკუთარ ქვეყანაში ტურისტად ყოფნის ერთწლიან ვადას უწესებდეს, თანაც ამ რეჟიმის უსასრულოდ გამეორების გარანტიით!

ეს უკვე არა

სახელმწიფოს გააზრებული პოლიტიკაა, არამედ უკონტროლო ტერიტორიის/ანკლავის ქცევის წესია!